85 настай Холливудын жүжигчин Уоррен Битти бэлгийн хүчирхийлэл үйлдсэн хэргээр буруутгагдаж байна.
Нью Йорк Таймс зэрэг хэвлэл мэдээллийн хэрэгслүүдийн мэдээлснээр жүжигчин, найруулагч Уоррен Битти 1973 онд 14, 15 настай охидыг хүчирхийлсэн хэргээр буруутгагдаж байжээ. Тэр үед Уоррен Битти 35 настай байсан.
Даваа гарагт хохирогч Кристина Шарлотт Херши бэлгийн хүчирхийлэл үйлдсэн хэргээр Уоррен Биттиг Лос Анжелесийн дээд шүүхэд шүүхэд өгсөн байна.
Гомдлын дагуу Уоррен Битти Холливудын од гэдгээрээ киноны зураг авалтын талбайл насанд хүрээгүй хүүхдүүдийг бэлгийн мөлжлөгт ашиглаж, тэдэнтэй хүчээр бэлгийн харьцаанд орсон хэрэгт буруутгагдаж байгаа юм.
Хохирогчийн тал “Бие, сэтгэл санааны хувьд маш хүнд өвдөлттэй хэвээр байна” хэмээсэн байна. Үүнтэй холбогдуулан Уоррен Биттигийн агентлаг болон өмгөөлөгч мэдээлэл өгөөгүй чимээгүй байна.
Холливудад бүсгүйчүүдтэй орооцолддог гэдгээрээ алдартай Уоррен Битти 1992 онд өөрөөсөө 21 насаар дүү жүжигчин Абет Беннингтэй гэрлэж, хоёр хүү, хоёр охинтой болжээ.
